大部份返工同生活上俾我既壓力, 我都係以打拳依個途徑黎發洩. 但係一個星期我都係打兩日拳, 因為當你認識操練, 打泰拳其實係好辛苦, 每一回合三分鐘, 你都要全力以赴去發揮, 當體能開始支持唔到你既動作時候, 就要靠鬥志, 所以泰拳真係一樣好好動對抗性運動.

除左打拳之外, 我發覺跑步都俾到我類似練泰拳時對鬥志要求既感覺, 果種感覺真係好神奇, 身體俾個訊號你叫你停留休息, 但係你既鬥志叫你跑埋依段路先, 完成之後果種成功感真係好正.

之前會長叫我試下打下館內賽, 我口頭上係拒絕左, 真係我個體能仲未夠, 未必可以全力咁打足三個回, 但係我覺得我d火開始返返黎, 所以我決定一有時間就落街跑步. 一方面減壓, 一方面練下體能. 我跑左都有幾個星期, 感覺d氣真係好左好多, 以為踢腳靶真係一個回合就爆呔, 而家第二個回合先有爆呔既感覺, 而家響果一分種休息時間回氣都快左.

所以要keep住跑步同練拳. 我要做一個動又得, 靜又得既人, 哈哈!