今日我阿姐無返工, 咁我有事緊係問再頂頭果個阿姐架啦, 點知我隔離果位又響我面前中傷佢. 雖則我同果位頂頭阿姐無乜兩句, 頂多都係講公事, 做唔到朋友, 我亦唔會擦佢鞋. 但係果位城府深既同事, 當我傻仔咁響我面前話阿頂頭阿姐個樣幾狗, 幾假.

講真, 佢點假點狗都唔關我事, 頂頭阿姐點仆街都係佢自己既事, 我問心無愧就得. 我入去問佢工作上既事, 佢答得到我, 我理得佢個樣點西啫!? 我做到我想做既野就得.

其實我都唔想同果個城府深既同事有任何口角, 所以佢中傷果個頂頭阿姐時, 我唯有以笑回應. 不過好可惜我最後都講左句:"唔駛再講啦, 費事越諗越唔開心啦". 跟住個同事就收左皮.

咩野人睇咩野野, 你個人心地唔好, 睇別人都係睇到佢衰既地方.

"有容德乃大，無求品自高"